Despedida de Emilia Byte.

worldmap-worldmap-photos-wallpapers-galleries-full-hd_50290fb555fd4_w1500

Comeza a tempada alta de viaxes e Emilia vai ter agora moito traballo, polo que aínda que continúe co seu avión transportando pasaxeiros, terá menos tempo libre para poder visitar os distintos destinos.
Emilia despídese de todos vós desexando que gocedes descubrindo novos lugares.
Agora é o voso turno para viaxar e contar as vosas aventuras!!!

4º PRIMARIA. 4ª VIAXE DE EMILIA BYTE. 4ª PISTA(Última)

castillo-de-olite-4

Nesta ocasión Emilia estaba en Tudela!

Dende alí foi visitar outra localidade de Navarra, moi coñecida polo seu espectacular Castelo-Palacio de estilo gótico.

En agosto, co festival de teatro clásico e coas súas festas medievais, a cidade énchese de mercadores, artesáns, titiriteros, trobadores, clérigos, porteiros, halconeros e malabaristas que ofrecen os seus produtos e espectáculos aos visitantes, mentres desfilan reis e princesas e celébranse torneos entre cabaleiros. Tamén hai comidas e ceas medievais servidas en vasillas de barro por posaderos ataviados con roupaxes da época.

En setembro, coincidindo coa vendima, convirtese na capital do viño de Navarra.

castillo-de-olite

Adiviñades en que lugar remata Emilia a súa viaxe por Navarra? Enviade as vosas respostas ao correo vpazsouto@gmail.com

 

3º PRIMARIA. 4ª VIAXE DE EMILIA BYTE. 4ª PISTA(Última)

0139467001315217165

O concello onde estaba Emilia era Oleiros!

Como devecía por estar na natureza, Emilia decidiu visitar un lugar fermosísimo que se atopa moi cerquiña de onde ela estaba.

O bosque que visitou Emilia presume de ser o bosque atlántico costeiro mellor conservado de Europa e un dos escasísimos bosques do seu tipo no continente.

Durante a súa visita estivo abrazando árbores e escoitando o son do río e os dos
pequenos habitantes destes bosques máxicos.Alí conviven máis de cen especies de aves e corenta de mamíferos xunto con  peixes como a troita ou o reo,e réptiles difíciles de atopar noutros lugares, como a ra ibérica.
Nesta fraga tamén se poden ver especies de fentos que persisten dende o período xeolóxico Terciario (despois de que os últimos dinosauros extinguísense) escondidos baixo a sombra de carballos, castiñeiros, bidueiros e alisos.

Emilia gozou moitísimo coas  vistas desde o mosteiro de Caaveiro, situado no mesmo corazón do Parque.

Sabedes xa onde está Emilia Byte? Enviade as vosas respostas ao correo vpazsouto@gmail.com

3º PRIMARIA. 4ª VIAXE DE EMILIA BYTE. 3ª PISTA.

19778320179_7e9b6a265d_o

Emilia estaba na cidade da Coruña, moi ben rapazada!

Despois de visitar A Coruña, foi pola costa ata un concello veciño. Neste concello, na localidade de Santa Cruz paseou por un castelo ao que tivo que acceder mediante unha ponte. Fai uns anos non existía a ponte, e para poder visitar o castelo a xente tiña que agardar a que baixara a marea. En Santa Cruz, está tamén unha sinal para peóns totalmente único…Trátase dun  paso de peóns para… Patos!.

Dende alí pasou polas instalaciones do INEF, e observou aos surfeiros na praia de Bastiagueiro gozando coas ondas do mar.

Despois foi a darse un baño e a descansar á praia de Santa Cristina.

Adiviñades en que concello se atopa Emilia? Unha pista… non é Ferrol. O nome ven porque antigamente nesta localidade desenvolvíase unha importante actividade alfarera, é dicir, que facían olas.

 

4º PRIMARIA. 4ª VIAXE DE EMILIA BYTE. 3ª PISTA.

la-revoltosa_fiestas_tudela_navarra

Por suposto, tratábase de Pamplona, coa sua famosa festa de San Fermín!

A continuación Emilia visitou o segundo municipio máis poboado de Navarra.

Esta cidade foi fundada no ano 802, e é unha das cidades de orixe islámica máis importantes de España e de Europa.Nela conviviron, durante máis de 400 anos, musulmáns, xudeus e mozárabes. Isto imprimiu á cidade unha mestizaxe cultural reflectida nos seus edificios.

É moi famosa pola calidade das súas exquisitas verduras, destacando entre elas os espárragos.

O 24 de xullo dan comezo as festas de Santa Ana, patrona da cidade. Nestas festas, cada día realizase o famoso baile da “Revoltosa” que consite en correr ao ritmo da música o máis rápido posible cos ritmos rápidos e en  danzar suavemente durante os lentos.

Dende 2010 acolle o festival internacional Avant-Garde, onde algúns dos máis afamados street-artists do mundo acuden a decorar e encher de vida algunhas paredes da cidade.

02-7

Adiviñades en que localidade está agora Emilia?

3º PRIMARIA. 4ª VIAXE DE EMILIA BYTE. 2ª PISTA

torre_de_hercules_by_eross_666-d4z4j10

A resposta correcta é Betanzos!

Despois de Betanzos, Emilia tiña gañas de visitar máis lugares e dirixiuse a unha cidade próxima, situada na costa do Cantábrico, moi fermosa.

Paseou pola enseada do Orzán, e despois visitou os museos científicos, onde gozou moito observando dende dentro do Nautilus ao tiburón Gaspar. Saiu da casa dos peixes e visitou o faro romano aínda en funcionamento máis antigo do mundo, a chamada “Torre de Hércules.” Existen moitas lendas sobre este faro. Unha delas conta que Hércules chegou en barca ás costas que rodean actualmente a Torre, e que foi precisamente alí o lugar onde enterrou a cabeza do xigante Xerión, despois de vencerlle en combate.

Adiviñades en que cidade está agora Emilia?

4º PRIMARIA. 4ª VIAXE DE EMILIA BYTE. 2ª PISTA

People watch as Jandilla fighting bulls and revelers run during

Parabéns ! Tratábase de Navarra, como seguro que xa sabiades.

Esta comunidade ten moitos lugares de interese cultural e turístico. Emilia estivo visitando varios, a ver se os adiviñades.

O primeiro lugar que visitou é un municipio de máis de 200.000 habitantes, que  foi fundada polo xeneral romano Pompeio no ano 75 A.C.
Hoxe é unha cidade moderna e acolledora, atravesada polo Camiño de Santiago.

Algúns dos lugares destacados para visitar son a Catedral de Santa María, os tres Burgos e as súas igrexas, o recinto amurallado medieval, o recuncho do Cabalo Branco e a plazuela de San José, onde se pode contemplar a casa máis antiga da cidade e buscar a saída na rúa “Salsipuedes.”

Aínda que case todo o mundo coñece a cidade pola súa festa máis famosa, unha que se celebra o 7 de xullo e que comeza cun “chupinazo.”

3º PRIMARIA. 4ª VIAXE DE EMILIA BYTE. 1ª PISTA

h16g1255

Cando saiu de Verín, Emilia necesitaba un descanso despois de tanta festa rachada, asi que pensou nun destino algo máis tranquilo e dirixiuse cara o norte de Galicia a visitar algo de natureza.

Antes de chegar parou nunha localidade que foi capital dunha das antigas 7 provincias de Galicia.

Esta localidade é famosa por un parque chamado “Pasatempos”, por un globo de papel xigante que se lanza durante as súas festas e por unha romaría chamada “Os caneiros”, nas que se vai polo río en barco.

Sabedes en que localidade se atopa agora mesmo Emilia?

4º PRIMARIA. 4ª VIAXE DE EMILIA BYTE. 1ª PISTA

Bardenas Reales

Ao rematar o entroido, Emilia viaxou ata outro lugar da península Ibérica para continuar coñecendo lugares interesantes.

Nesta ocasión viaxou a unha comunidade do norte de España, que é porta do Camiño de Santiago na península.

A comunidade é coñecida pola súa variedade climática, sorprendente para unha pequena comunidade. Ten vales sempre verdes como Roncal ou Baztan, fermosos e coloridos bosques como a impresionante Selva de Irati, Orgi ou Quinto Real e gargantas de vertixe talladas polo paso da auga como as foces de Lumbier ou Arbayún. Ou paisaxes que parencen de outro planeta, como as Bárcenas reais.

Tamén é un referente para a práctica do esquí de fondo. Os afeccionados ao esquí nórdico poden gozar dos espectaculares bosques mentres practican o seu deporte favorito.

En que comunidade está Emilia Byte?

 

Noraboa Emilia Byte

Emilia quere felicitar especialmente a clase de Sabela ao completo e a Xoel do outro 3º, por acertar que Emilia estaba na fermosa vila de Verín disfrutando do entroido, e despois como ben dixeron os alumnos de 4º pasou polos carnavais de Cádiz, Emilia é uha festexeira non perde festa algunha.

Un bico para todos/as!!